செரிமான ஆரோக்கியத்திற்கு வழக்கமான குடல் இயக்கங்கள் அவசியம் ஆகும். ஆனால் நிகழக்கூடிய பல காரணிகள் எத்தனை முறை வெளிக்கு போக வேண்டும் என்ற நிலையை பாதிக்கலாம். இதில் அநேகமாக நம் நினைவில் இல்லாத ஒரு காரணியாக உடற்பயிற்சியின் பங்கை கூறலாம். இந்த கட்டுரையில், வழக்கமான குடல் இயக்கம் மற்றும் பொதுவான செரிமான ஆரோக்கியத்தை மேம்படுத்த உடற்பயிற்சிகள் எப்படி உதவும் என்பதை நாம் பார்க்கலாம்.
குடல் இயக்கங்களைப் புரிந்துகொள்வோம்
குடல் இயக்கத்தினால் கடைசியாக வெளியேறும் மலம் என்பது, செரிமானப் பாதையிலிருந்து கழிவுகளை அகற்றுவதற்கான உடலின் ஒரு முறையாகும். உணவு, நீரேற்றம், உடல் செயல்பாடு மற்றும் குடலில் உள்ள நுண்ணுயிரிகளின் தன்மை போன்ற காரணிகளைப் பொறுத்து, குடல் இயக்கத்தின் நிலைத்தன்மை தனிநபர்களிடையே பெரிதும் மாறுபடும்.
உடற்பயிற்சிக்கும் குடல் இயக்கங்களுக்கும் இடையே உள்ள தொடர்பு
- குடல் சுருங்கி விரிவதை தூண்டுதல்
- உடற்பயிற்சி பெரிஸ்டால்சிஸ் எனப்படும் குடல் சுருங்கி விரியும் போக்கை ஊக்குவிக்கிறது. இது செரிமான பாதை வழியாக உணவு மற்றும் கழிவுகளை திறம்பட உந்திக் கொண்டு செல்ல உதவுகிறது.
- மலச்சிக்கல் அபாயத்தைக் குறைத்தல்
- வழக்கமான உடல் செயல்பாடு செரிமான அமைப்பைச் செயல்படுத்துவதன் மூலம் மலச்சிக்கலைத் தவிர்க்க உதவுகிறது. மேலும் வறண்ட, கடினமாக உள்ள மலத்தை வெளியேற்றும் வாய்ப்பையும் குறைக்கிறது.
குடல் ஆரோக்கியத்தை ஆதரிக்கும் உடற்பயிற்சியின் வகைகள்
- கார்டியோவாஸ்குலர் உடற்பயிற்சிகள்
- நடைபயிற்சி, ஜாகிங், சைக்கிள் ஓட்டுதல், நீச்சல் உள்ளிட்ட செயல்பாடுகள் இதய துடிப்பு மற்றும் இரத்த ஓட்டத்தை அதிகரிக்கின்றன. இந்த நன்மைகள் குடல் இயக்கத்தை அதிகரிக்க வழிவகுக்கிறது.
- எடை பயிற்சி
- பளு தூக்குதல் அல்லது resistance bands என்று சொல்லப்படும் பட்டைகளைப் பயன்படுத்தி செய்யப்படும் உடல் பயிற்சிகள் வலிமை பயிற்சி என்று சொல்லப்படும். இந்த வித உடற்பயிற்சிகள் பொது உடல் தகுதி, வளர்சிதை மாற்றம், இவற்றை மேம்படுத்துகிறது. இது குடல் ஆரோக்கியத்திற்கு மறைமுகமாகப் பயனளிக்கிறது.
நேரம் அதிமுக்கியம்: குடலின் சரியான செயல்பாட்டிற்கு எப்போது உடற்பயிற்சி செய்ய வேண்டும்?
- காலை வழக்கம்
- காலையில் உடற்பயிற்சி செய்வது (குறிப்பாக தூங்கி எழுந்தவுடன்) குடல் இயக்கத்தை மேம்படுத்தவும், நிலையான, நல்லதொரு பழக்கவழக்கத்தை உருவாக்கவும் உதவுகிறது.
- உணவுக்கு முந்தைய இயக்கம்
- சிலருக்கு உடற்பயிற்சியின் பின்னர் இரைப்பை இயக்கம் அதிகமாக இருப்பதாக உணர்கிறார்கள். எனவே உணவுக்கு முன் உடற்பயிற்சி செய்வது நன்மை பயக்கும்.
நீரேற்றமும் உடற்பயிற்சியும்: செரிமான ஆரோக்கியத்திற்கான ஒரு இரட்டை சகோதரர்கள்
- நீர் எடுத்துக்கொள்ளுதல்
- சரியான குடல் செயல்பாட்டை பராமரிக்க போதுமான நீர் உட்கொள்ளல் தேவைப்படுகிறது. உடற்பயிற்சிக்கு முன்பும், அதன் பொழுதும், அதற்கு பின்பும் தண்ணீர் குடிப்பது செரிமானத்திற்கு உதவுவதோடு, நீரிழப்பின்னால் தூண்டப்பட்ட மலச்சிக்கலைத் தடுக்கும்.
- எலக்ட்ரோலைட் இருப்பு
- உடற்பயிற்சியின் போது வியர்வை மூலம் இழந்த எலக்ட்ரோலைட்டுகளை ஈடு செய்வது திரவ சமநிலையை பராமரிக்கவும், நல்ல குடல் செயல்பாட்டை மேம்படுத்தவும் உதவும்.
உங்கள் பழக்கவழக்கத்தில் உடற்பயிற்சியை நிரந்தரமாக இணைத்தல்
- மெதுவாக தொடங்கவும்
- நீங்கள் உடற்பயிற்சிக்கு புதியவராக இருந்தால், குறைந்த தாக்கத்தை ஏற்படுத்தக்கூடிய உடற்பயிற்சிகளை தொடங்கி, படிப்படியாக அதன் தீவிரத்தையும் கால அளவையும் அதிகரிக்கவும்.
- நீங்கள் அனுபவித்து ரசிக்கும் உடற்பயிற்சி வகைகளை கண்டறியுங்கள்
- நடைபயிற்சி, நடனம், யோகா அல்லது தோட்டக்கலை என எதுவாக இருந்தாலும், நீங்கள் ரசிக்கும்படியாகவும், அதுவே காலப்போக்கில் நீண்டு வரக்கூடிய செயல்பாடுகளாகத் தேர்ந்தெடுக்கவும்.
மருத்துவர்களுடன் ஆலோசனை
- தனிப்பட்ட பரிந்துரைகள்
- உங்கள் குறிப்பிட்ட தேவைகளுக்கும், சுகாதார இலக்குகளுக்கும் ஏற்ப ஒரு செயல்பாட்டுத் திட்டத்தை உருவாக்க உங்கள் உடல்நலப் பயிற்சியாளர் அல்லது உடற்பயிற்சி நிபுணருடன் இணைந்து பணியாற்றுங்கள்.
- மருத்துவ பிரச்சனைகள் இருந்தால் செய்ய வேண்டியவை
- குறிப்பிட்ட மருத்துவ பிரச்சனைகள் அல்லது செரிமான பிரச்சனைகள் உள்ளவர்களுக்கு சிறப்பு உடற்பயிற்சி வழிகாட்டுதல்கள் தேவைப்படலாம். உங்கள் மருத்துவ வரலாற்றைப் புரிந்துகொள்ளும் மருத்துவர்களிடம் இருந்து முறையான ஆலோசனையைப் பெறுங்கள்.
உடற்பயிற்சி உங்கள் இதயத்துக்கும், உடல் எடை பராமரிப்புக்கு நல்லது மட்டுமல்ல, வழக்கமான குடல் இயக்கம் மற்றும் பொதுவான செரிமான ஆரோக்கியத்தை மேம்படுத்தவும் அது உதவுகிறது. வழக்கமான உடல் செயல்பாடுகளை உங்கள் பழக்க வழக்கமாக சேர்ப்பதன் மூலம், உடலை நல்ல நீரேற்றத்துடன் வைத்து இருப்பதன் மூலமும், உடற்பயிற்சியில் உள்ள வகைகளும், அவற்றை நாம் செய்யலாமா என்பது பற்றியும், தகவலறிந்த முடிவுகளை எடுப்பதன் மூலம், நீங்கள் சாதாரண குடல் செயல்பாட்டையும் ஆரோக்கியமான செரிமானப் பாதையையும் பராமரிக்க ஆவண செய்யலாம்.