நமது அடிவயிற்றில் உள் உறுப்புகள் பல உள்ளன. அவை வயிற்றுச்சுவர் எனப்படும் திசுக்களால் ஆன கடினமான வெளிப்புற சுவரால் பாதுகாக்கப்படுகின்றன. இந்த வயிற்றுச்சுவர் பலவீனமடையும் போதும் அல்லது குறைபாடு இருக்கும்போதும், கொழுப்பு திசு அல்லது குடல் போன்ற உறுப்புகள் இந்த குறைபாடுள்ள சுவர் வழியாக அதன் இடத்திலிருந்து வெளியே துருத்தும். குடலிறக்கங்களுக்கு மிகவும் பொதுவான காரணங்கள் குறைபாடுள்ள இங்குவினல் கால்வாய் (இது ஒரு பொதுவான பிறப்பு குறைபாடு), முந்தைய வயிற்று அறுவை சிகிச்சையின் வடு, விபத்தால் ஏற்படும் காயங்கள், போன்றவைகளை சொல்லலாம். அறுவைசிகிச்சைக்கு முன்னும் பின்னும் பருமனான உடலால் குடலிறக்கத்தை பாதிக்க முடியுமா?
பெரும்பாலான குடலிறக்கங்கள் உயிருக்கு ஆபத்தானவை அல்ல. ஆரம்பத்திலேயே கண்டறியப்பட்டால் பெரும்பாலும் அவற்றிற்கு அவசர அறுவை சிகிச்சை தேவைப்படாது. குடலிறக்கத்தை சரிசெய்ய ஹெர்னியா அறுவை சிகிச்சை மிகவும் பயனுள்ள ஒரு வெற்றிகரமான வழியாகும். எடை அதிகரிப்பு மற்றும் உடல் பருமன் போன்ற காரணிகள் ஏற்கனவே இருக்கும் குடலிறக்கத்தை மோசமாக்குவதோடு மட்டுமில்லாமல், குடலிறக்க அறுவை சிகிச்சை செய்த பின்னரும் கூட மோசமான விளைவுகளை ஏற்படுத்தலாம்.
முதலில் உடல் பருமன் குடலிறக்கத்தை ஏற்படுத்துமா?
எடை அதிகரிப்பு அல்லது உடல் பருமன் வயிற்று குடலிறக்கங்களை உருவாக்கும் அபாயத்தை அதிகரிக்கிறது. பருமனாகவோ அதிக எடையுடனோ இருப்பது பெரும்பாலும் வயிற்று தசைகளின் மேல் அழுத்தத்தை அதிகரிக்கிறது. இந்த அதிகப்படியான அழுத்தம், நீண்ட காலத்திற்கு நீடிக்கும்போது அடிவயிற்று தசைகள் பலவீனமடைந்து குடலிறக்கத்திற்கு வித்திடக்கூடும். ஒரு நபருக்கு குறைபாடுள்ள இங்குவினல் கால்வாய் இருந்தால் இந்த கூற்று முற்றிலும் உண்மையாகக்கூடும். இது குடலிறக்க குடலிறக்கத்திற்கு (Inguinal Hernia) வழிவகுக்கும். ஏற்கனவே வயிற்று அறுவை சிகிச்சைக்கு உட்பட்ட நபர்களுக்கு கீறல் குடலிறக்கத்தை (Incisional Hernia) இது ஏற்படுத்தும்.
ஹெர்னியா நோயால் பாதிக்கப்பட்டவர்களை உடல் பருமன் எவ்வாறு பாதிக்கிறது?
குடலிறக்கம் உருவாகிய பிறகு, கூடுதல் உடல் எடை குடலிறக்கத்தின் விரிவாக்கத்திற்கு பங்களிக்கிறது. சில நேரங்களில், இது குடல் திசுக்களின் சுற்றுத் தசைத் திசுக்களுக்குள் சிக்க வைக்கக்கூடும். இதனால் உடனடி அறுவை சிகிச்சை தேவைப்படக்கூடிய கடுமையான வலியை ஏற்படுத்தும். உடல் பருமன் தசை சுவரில் பல இடங்களில் குடலிறக்கங்களின் வளர்ச்சிக்கும் வழிவகுக்கும்.
உடல் பருமன் குடலிறக்க அறுவை சிகிச்சையை எவ்வாறு பாதிக்கிறது?
பருமனானவர்களின் அடிவயிற்றில் அடுக்கடுக்காய் உள்ள கொழுப்பின் அடுக்குகள், அறுவை சிகிச்சை நிபுணர்களுக்கு குடலிறக்க இடத்தை அடைவதற்கே பெரும் சவாலாக அமைகிறது. அறுவை சிகிச்சையின் போது குடலிறக்கத்தை சரிசெய்ய பயன்படுத்தப்டும் மெஷ் வைப்பதை சவாலான பணியாக அறுவை சிகிச்சை நிபுணர்களுக்கு மாற்றுகிறது.
குடலிறக்க அறுவை சிகிச்சைக்குப் பிறகு உடல் பருமன் அம்மக்களை எவ்வாறு பாதிக்கிறது?
எல்லா அறுவை சிகிச்சைகளையும் போலவே, குடலிறக்க அறுவை சிகிச்சைகள் கூட அறுவை சிகிச்சைக்கு பிந்தைய சில அபாயங்களைக் கொண்டுள்ளன. ஆனால் அறுவை சிகிச்சைக்கு பிந்தைய அபாயங்கள் பருமனானவர்களுக்கு மட்டுமே அதிகம் என்பதை இங்கே சொல்லியாக வேண்டும்.
- பருமனானவர்களுக்கு குடலிறக்க அறுவை சிகிச்சைக்குப் பிறகு குடலிறக்கம் மீண்டும் வருவதற்கான வாய்ப்புகள் அதிகம். ஏனென்றால், குடலிறக்க மெஷ்ஷானது அது வைக்கப்பட்ட நிலையில் இருந்து நழுவும் வாய்ப்புகள் பருமனானவர்களுக்கு அதிகம். கடுமையான உடல் பருமன் உள்ளவர்களுக்கு குடலிறக்க அறுவை சிகிச்சையின் வெற்றி விகிதம் இன்னும் குறைவாக இருக்கும் என்பதும் உண்மையே.
- பருமனானவர்களுக்கு காயம் குணமாக சில காலம் கூடுதலாக பிடிக்கும். அதனால் அறுவை சிகிச்சைக்குப் பிறகு அவர்களது குடலிறக்கத்திற்கு செய்யப்பட அறுவை சிகிச்சை இடத்தில் தொற்று ஏற்படும் வாய்ப்பு இதனால் அதிகம்.
- பருமனானவர்கள் அறுவை சிகிச்சைக்குப் பிறகு நீண்ட காலம் மருத்துவமனையில் இருக்க வேண்டியிருக்கலாம்.
- இரத்தக் கட்டிகள் உருவாவதற்கான வாய்ப்புகள் கூட இவர்களுக்கு அதிகம் தான். அவை ‘டீப் வெயின் த்ரோம்போசிஸ்’ (டி.வி.டி) மற்றும் ‘நுரையீரல் தக்கையடைப்பு’ எனப்படும் Pulmonary Embolism போன்ற பல சிக்கல்களை ஏற்படுத்தும் வாய்ப்பும் அதிகமே.