எண்டோஸ்கோப்பி – ஒரு அறிமுகம்
சில வியாதிகளுக்கு நாம் ஒரு மருத்துவரைச் சந்திக்கும்போது, சில சமயங்களில் மருத்துவர் எண்டோஸ்கோபி எனப்படும் செயல்முறைக்கு நம்மை பரிந்துரைப்பார். எண்டோ என்றால் உள் அல்லது உள்ளே, ஸ்கோப்பி என்றால் பார்வை என்றும் பொருள்படும். எண்டோஸ்கோபி என்பது வாயிலோ, அல்லது ஆசனவாயிலோ ஒரு குழாய் செருகப்பட்டு உள்பாகத்தை பார்க்கும் ஒரு செயல்முறையாகும். அது ஒரு பயங்கரமான செயல்முறை என்று நம்மில் பலர் நினைப்பதுண்டு. அதில் ஏதேனும் உண்மை இருக்கிறதா? எண்டோஸ்கோபி செயல்முறையில் உள்ள நன்மைகள் என்னென்ன?
எண்டோஸ்கோபி என்றால் என்ன?
முன்பே சொன்னது போல, இரைப்பைக் குழாயின் உள் திசுக்களை உன்னிப்பாக ஆராய நோயாளியின் உணவுக்குழாய் அல்லது ஆசனவாய் நுனியில் கேமரா கொண்ட ஒரு குழாய் செருகப்படும் ஒரு செயல்முறை எண்டோஸ்கோபி ஆகும். பதட்டப்படும் நோயாளிகளுக்கு எண்டோஸ்கோபி செயல்முறைக்கு முன் மயக்க மருந்து கொடுக்கப்படுகிறது. இது அரிதிலும் அரிது. எண்டோஸ்கோபி செய்யும்போது நோயாளி சிறிது அசௌகரியத்தை உணரக்கூடும். ஆனால் எந்த வலியும் இந்த செயல்முறையில் ஏற்படுவதில்லை. எனவே எண்டோஸ்கோபி என்பது நாம் பரவலாக நினைப்பது போல ஒரு பயங்கரமான செயல்முறை அல்ல.
எண்டோஸ்கோபியில் உள்ள வகைகள் யாவை?
பரவலாகப் பார்த்தால், இரண்டு பொதுவான வகை எண்டோஸ்கோபிகள் உள்ளன. அவை மேல் ஜி.ஐ எண்டோஸ்கோபி மற்றும் கொலோனோஸ்கோபி ஆகும். இந்த வகைகளைத் தவிர ப்ரோன்கோஸ்கோபி, சிஸ்டோஸ்கோபி, என்டோரோஸ்கோபி, ஹிஸ்டெரோஸ்கோபி, லேபராஸ்கோபி, லாரிங்கோஸ்கோபி, மீடியாஸ்டினோஸ்கோபி, சிக்மாய்டோஸ்கோபி, தோராகோஸ்கோபி போன்ற பல வகையான எண்டோஸ்கோபிகளும் உள்ளன.
நோயாளியின் உணவுக்குழாய்க்குள் குழாய் செருகப்பட்டால், அது மேல் ஜி.ஐ எண்டோஸ்கோபி என்று அழைக்கப்படுகிறது. இந்த செயல்முறையானது மேல் ஜி.ஐ (இரைப்பை குடல்) பாதையில் உள்ள சிக்கல்களைக் கண்டறிந்து சிகிச்சையளிக்க உதவுகிறது. மேல் ஜி.ஐ. பாதையில் உணவுக் குழாய் (உணவுக்குழாய்), வயிறு மற்றும் சிறுகுடலின் ஆரம்ப பகுதி (டியோடெனம்) ஆகியவை அடங்கும்.
நோயாளியின் ஆசனவாய் வழியே குழாய் செருகப்பட்டால், அது கொலோனோஸ்கோபி என்று அழைக்கப்படுகிறது. கீழ் ஜி.ஐ (இரைப்பை குடல்) பாதையில் உள்ள சிக்கல்களைக் கண்டறிந்து சிகிச்சையளிக்க இந்த செயல்முறை உதவுகிறது. கீழ் ஜி.ஐ. பாதையில் பெருங்குடல், மலக்குடல் மற்றும் ஆசனவாய் ஆகியவை அடங்கும்.
எண்டோஸ்கோபி நடைமுறைக்கு யாரெல்லாம் பரிந்துரைக்கப்படுகிறார்கள்?
பொதுவாக, எண்டோஸ்கோபி நடைமுறைகள் எந்தவொரு வயதினருக்கும் எந்தவொரு நோயாளிகளுக்கும், மருத்துவர் எதையாவது சந்தேகித்தால், டாக்டர்களால் பரிந்துரைக்கப்படுகின்றன. தேர்ந்தெடுக்கப்பட்ட அல்லது அவசரகால அறுவை சிகிச்சைகளுக்கு இருக்கலாம். பல நேரங்களில் கண்டறியும் நோக்கத்திற்காகவும், சில நேரங்களில் சிகிச்சை நோக்கங்களுக்காகவும் இந்த செயல்முறையை பயன்படுத்தப்படலாம்.
வயிற்று வலி, எந்தவொரு மருந்துகளாலும் நிவாரணம் பெறாத தொடர்ச்சியான நெஞ்செரிச்சல், எருக்களிப்பு, இரத்த வாந்தி, தார் நிற அல்லது கருப்பு நிற மலம் வெளிப்படல், பசியின்மை, திடீரென்று ஏற்படும் காரணமில்லாத எடை இழப்பு போன்றவை மேல் ஜி.ஐ. இயக்கத்தில் உள்ள கோளாறுகளை கண்டுபிடிக்க உதவுகிறது.
மலத்தில் இரத்தம், எடை இழப்பு, நாள்பட்ட மலச்சிக்கல், ஐபிடி, ஐபிஎஸ், பாலிப்ஸ் போன்ற நிலைமைகளைக் கொண்ட நோயாளிகள் கொலோனோஸ்கோபி நடைமுறைக்கு உட்படுத்த நேரும் பொதுவான சில அறிகுறிகளாகும். மேலே கூறப்பட்ட காரணங்கள் தவிர வேறு சில காரணங்கள் இருந்தாலும், எண்டோஸ்கோபி நடைமுறைக்கு உட்படுத்தப்பட இவையே பொதுவான சில அறிகுறிகளாகும்.
புற்றுநோய், பாலிப்ஸ் போன்ற சில நோய்களின் குடும்ப வரலாற்றைக் கொண்ட நோயாளிகள் எண்டோஸ்கோபி நடைமுறைகள் மூலம் அவ்வப்போது தங்களைத் திரையிட்டுக் கொள்ளலாம்.
ஒரு நோயாளிக்கு பாரெட்டின் உணவுக்குழாய் (Barrett’s esophagus) அல்லது புற்றுநோய் முன்னோடி புண்கள் போன்ற நோய்நிலைகள் இருக்கிறதா இல்லையா என்பதைக் கண்டறிய முதல் எண்டோஸ்கோபி ஸ்கிரீனிங் செய்துக்கொள்ள எந்த வயது முதல் ஆரம்பிக்கலாம் என்று குறிப்பிட்ட வழிகாட்டுதல்கள் எதுவும் இல்லை, இருப்பினும் 40 முதல் 50 வயது வரை இதற்கான எண்டோஸ்கோபியை செய்துக் கொள்ளலாம் என்று பல நிபுணர்கள் பரிந்துரைக்கின்றனர்.
மருந்துகள் எடுத்துக் கொண்டாலும் தீராமல் தொடரும் நெஞ்செரிச்சல் கொண்ட நோயாளிகளும் எண்டோஸ்கோபி செய்துக் கொள்வதை கருத்தில் கொள்ள வேண்டும். நாள்பட்ட எருக்களிப்பு பாரெட்டின் உணவுக்குழாயை (Barrett’s esophagus) ஏற்படுத்துகிறது. இதுவே உணவுக்குழாய் புற்றுநோய்க்கான முன்னணி ஆபத்து காரணியாகும். புற்றுநோய்களின் வளர்ச்சியைக் கண்காணிக்க மருத்துவருக்கு எண்டோஸ்கோபி அறிக்கை உதவும். எனவே அப்படி ஏற்படும் புற்றுநோயை முளையிலேயே அகற்றி நீண்ட காலம் வாழ்வதற்கான வாய்ப்புகளை அதிகரிக்க இது உதவுகிறது. இந்த செயல்முறையின்போதே நோயறிதலுக்கு பயாப்ஸி தேவைப்பட்டால், பாதிக்கப்பட்ட திசுக்களின் ஒரு பகுதியை எண்டோஸ்கோபியிலேயே எடுக்க வழிவகை செய்கிறது.
எண்டோஸ்கோபி செயல்முறை முடிக்க எவ்வளவு நேரம் ஆகும்?
சாதாரண எண்டோஸ்கோபி செய்ய சராசரியாக 2-5 நிமிடங்கள் ஆகும். உட்புற இரத்தப்போக்கு நிறுத்துதல், உணவுக்குழாய் ஸ்டெண்டிங் போன்ற சிகிச்சை முறைகளுக்கு எண்டோஸ்கோபிக் செயல்முறை பயன்படுத்தப்பட்டால் சற்றே அதிக நேரம் ஆகலாம். எண்டோஸ்கோபி நடைமுறைகள் பாதுகாப்பானவை. பெரிய சிக்கல்கள் எதுவும் இதனால் ஏற்படும் ஆபத்து குறைவாகவே உள்ளது. நோயாளிகள் மேல் ஜி.ஐ எண்டோஸ்கோபி செய்துக் கொண்ட பின்னர் தொண்டையில் கமறலையும், உப்புச உணர்வையும் சிறிது நேரம் அனுபவிக்கலாம். மற்றபடி இதில் வேறு ஒன்றும் நேர்வதில்லை.
நோயாளிகளுக்கு எண்டோஸ்கோபி எத்தனை முறை எடுக்கலாம்?
இது கண்டறியப்பட்ட நோய்நிலையைப் பொறுத்து மாறும். ஒரு உதாரணமாக, நோயாளியின் நோய்நிலையின் சிக்கலான தன்மையின் அடிப்படையில் பாரெட்டின் உணவுக்குழாய் இருப்பதாக கண்டறியப்பட்டால், நோயாளி மூன்று முதல் ஐந்து ஆண்டுகளுக்கு ஒருமுறை மேல் ஜி.ஐ எண்டோஸ்கோபிக்கு செய்துக் கொள்ள பரிந்துரைக்கப்படுகிறது. எனவே எண்டோஸ்கோபி நடைமுறைகள் எவ்வளவு அடிக்கடி செய்யப்பட வேண்டும் என்பதை உங்கள் மருத்துவரிடம் கேட்டு தெரிந்துக் கொள்ளுங்கள்.
