பேரியாட்ரிக் அறுவை சிகிச்சைக்கு பிந்தைய ஊட்டச்சத்து விளைவுகள்

பேரியாட்ரிக் அறுவை சிகிச்சை அல்லது எடை இழப்பு அறுவை சிகிச்சையானது  கடுமையான உடல் பருமனான நபரின் எடையை குறைக்க செய்யப்படுகிறது. இந்த அறுவைசிகிச்சை பொதுவாக உடல் எடையை குறைப்பதற்காக மட்டுமல்லாமல், அவர்களின் உடல் பருமன் காரணமாக மோசமடைந்துள்ள நோயாளியின் ஆரோக்கியத்தை மேம்படுத்துவதற்காகவும் செய்யப்படுகிறது. பேரியாட்ரிக் அறுவை சிகிச்சைக்குப் பின்னர் அது ஏற்படுத்தும் ஊட்டச்சத்து விளைவுகள் குறிப்பிடத்தக்கதாக இருக்கின்றன. இந்த கட்டுரையின் வாயிலாக அது ஏற்படுத்தும் விளைவுகளை முழுமையாக புரிந்து கொள்ள முயற்சிப்போம்.

பேரியாட்ரிக் அறுவை சிகிச்சையின் இரண்டு கோட்பாடுகள்

பெரும்பாலான பேரியாட்ரிக் அறுவை சிகிச்சை வகைகள் முக்கியமாக இரண்டு கோட்பாடுகளின் அடிப்படியில் வேலை செய்கின்றன என்பதை நாம் அறிவோம். அதாவது மாலப்சார்ப்ஷனுடன் கட்டுப்பாடு வகை அல்லது வெறும் கட்டுப்பாடு வகை என்பதாகும். வெறும் கட்டுப்பாடு என்ற வகையானது உணவின் அளவு குறைந்து, ஊட்டச்சத்து இயல்பை விட குறைவாக உறிஞ்சப்படுவதாகும். மாலப்சார்ப்ஷனுடன் கட்டுப்பாடு வகை என்பது, அறுவை சிகிச்சையால் குறைக்கப்பட்ட உணவின் அளவு, குறைக்கப்பட்ட ஊட்டச்சத்து உறிஞ்சுதல் ஆகிய இரண்டும் சேர்ந்தே இயங்குவது ஆகும். எடை இழப்பு அறுவை சிகிச்சையின் இந்த இரு கோட்பாடுகள் தான் உடல் எடையை குறைக்க உதவுகின்றன.

கட்டுப்பாட்டு கோட்பாட்டில் ஊட்டச்சத்து உள்ளீடு

வயிற்றின் அளவு குறைவதால் உணவை குறைந்த அளவில் உட்கொள்ளும்போது, உணவின் குறைக்கப்பட்ட அளவினால் ஊட்டச்சத்து அளவும் ஒப்பீட்டளவில் குறைக்கப்படுகிறது.

மாலப்சார்ப்ஷன் கோட்பாட்டில் ஊட்டச்சத்து உள்ளீடு

வயிற்றின் தூரப் பகுதியில் தான் உணவில் உள்ள அதிகபட்ச வைட்டமின்கள் மற்றும் தாதுக்கள் உடலால் உறிஞ்சப்படுகின்றன. இரைப்பை பைபாஸ் பேரியாட்ரிக் அறுவை சிகிச்சை வகையில், வயிற்றின் தூர பகுதி வெட்டி எடுக்கப்படுகிறது. இந்த காரணத்தால் உணவில் இருந்து வைட்டமின்களும், தாதுக்களும், உறிஞ்சப்படுவது நின்றுவிடுகிறது. குறிப்பாக, பி 12 போன்ற வைட்டமின்கள், இரும்பு, கால்சியம் போன்ற தாதுக்களின் உறிஞ்சுதல் பெரிதும் குறைக்கப்படுகிறது. அதனால்தான் நீங்கள் பேரியாட்ரிக் அறுவை சிகிச்சைக்குப் பிறகு வைட்டமின், மினரல் சப்ளிமெண்ட்ஸ் ஆகியவை மாத்திரைகளாக எடுத்துக் கொள்ளுமாறு உங்களுக்கு பரிந்துரைக்கப்படுகிறது.

பேரியாட்ரிக் அறுவை சிகிச்சைக்குப் பிறகு நீரின் தேவை

பேரியாட்ரிக் அறுவை சிகிச்சைக்குப் பிறகு நோயாளியின் வளர்சிதை மாற்ற விகிதம் அதிகரிக்கிறது. இதன் விளைவாக ஏற்படும் எடை இழப்பு, அதிக தண்ணீர் தேவையை தூண்டுகிறது. தண்ணீர் தேவை சரியாக பூர்த்தி செய்யப்படாவிட்டால், நோயாளி சோர்வாக உணரலாம். அதனால்தான் பேரியாட்ரிக் அறுவை சிகிச்சை நிபுணர்களும், ஊட்டச்சத்து நிபுணர்களும் அவ்வப்போது தண்ணீரை வேண்டிய அளவு பருகுமாறு அறிவுறுத்துகிறார்கள். உடலை நீரிழப்பு இல்லாமல் வைத்திருக்க இது மிகவும் உதவுகிறது.

பேரியாட்ரிக் அறுவை சிகிச்சைக்குப் பிறகு ஏற்படும் தசை இழப்பு

எந்தவொரு பேரியாட்ரிக் அல்லது எடை குறைப்பு அறுவை சிகிச்சையின் நோக்கமும் கொழுப்பை குறைப்பதாக இருக்கிறது. ஆனால் சில நேரங்களில் கொழுப்போடு, தசைகளும் இழப்பும் நடைபெறுகிறது. புரத உட்கொள்ளல் குறைவாக இருக்கும்போது இந்த தசை இழப்பு நிகழ்கிறது. உடலில் கிடைக்கும் குறைந்த புரதத்தால், உடலானது அதன் சொந்த தசையை (தசைச் சிதைவு) உடைத்து அங்கு சேமிக்கப்பட்ட புரதத்தைத் தட்டுகிறது. தசை இப்படி வீணாகும் போது, நோயாளி தசை வலி, மூட்டு வலி, தோல் தொய்வு, சரும வறட்சி போன்ற அறிகுறிகளை அனுபவிப்பார்கள். குறைவான புரதமும் தற்காலிக முடி இழப்பைத் தூண்டுகிறது.

அதனால்தான் பேரியாட்ரிக் அறுவை சிகிச்சை நிபுணர் அல்லது ஊட்டச்சத்து நிபுணரால் பரிந்துரைக்கப்பட்ட ஊட்டச்சத்து உட்கொள்ளலைக் கடைப்பிடிக்க எப்போதும் பரிந்துரைக்கப்படுகிறது.