வயிற்று வலிக்கான பொதுவான காரணங்கள்

நாம் அனைவரும் வயிற்று வலியை அனுபவித்திருக்கிறோம். திடீரென ஏற்படும் வயிற்றுப் பிடிப்பு, மந்தமான வலி அல்லது வயிற்றில் கூர்மையான இழுப்பு என்பது நாம் அனைவரும் புரிந்துகொள்ளும் பொதுவான ஒன்று தான். வயிற்று வலி என்பது ஏதோ சரியில்லை என்பதற்கு நமது உடல் கொடுக்கும் ஒரு சமிக்ஞையாகும். பெரும்பாலான வயிற்று வலிகள் தற்காலிகமானவை மற்றும் பாதிப்பில்லாதவை. ஆனால் சில நேரங்களில் உள்ளே ஒரு தீவிரமான மருத்துவ நிலை உள்ளதைக் குறிக்கலாம். பொதுவான காரணங்களைப் புரிந்துகொள்வது, அது தானாகவே சரியாகும் வரை காத்திருக்க வேண்டுமா, எளிய மருந்துகளால் குணபடுத்த வேண்டுமா, சிக்கலான பிரச்சினைகளுக்கு மருத்துவ ஆலோசனையைப் பெற வேண்டுமா என்பனவற்றை இந்த வழிகாட்டி நீங்கள் தீர்மானிக்க உதவும்படி இருக்கும்.

வயிற்று வலியை ஏற்படுத்தக்கூடிய அன்றாட காரணிகள்

பெரும்பாலான நேரங்களில், வயிற்று அசௌகரியம் நமது உணவுமுறை மற்றும் வாழ்க்கை முறையுடன் தொடர்புடையது. இந்த காரணங்களால் ஏற்படும் வயிற்றுவலி பொதுவாக குறுகிய காலமே நீடிக்கும். மேலும் அவை தானாகவே சரியாகிவிடும். அந்த தற்காலிக காரணிகளில் சில இங்கே:

• அஜீரணம் மற்றும் வாயு: அதிகமாக சாப்பிடுவது, மிக வேகமாக சாப்பிடுவது அல்லது கொழுப்பு மற்றும் காரமான உணவுகளை சாப்பிடுவது அஜீரணத்திற்கு வழிவகுக்கும். பீன்ஸ் அல்லது கார்பனேற்றப்பட்ட பானங்கள் போன்ற சில உணவுகளிலிருந்து வரும் வாயு வீக்கம் மற்றும் தசைப்பிடிப்பு வயிற்று வலியை ஏற்படுத்துகிறது.
• உணவு சகிப்புத்தன்மை: லாக்டோஸை (பால் மற்றும் பிற பால் பொருட்களில் – லாக்டோஸ் சகிப்புத்தன்மை என்று அழைக்கப்படுகிறது) அல்லது குளூட்டன் (கோதுமையில்) ஜீரணிப்பதில் சிரமம். இது வயிற்றுவலி, வாயு, வயிற்றுப்போக்கு இவற்றைத் தூண்டும்.
• மன அழுத்தம் மற்றும் பதட்டம்: உங்கள் குடல் உணர்ச்சிகளுக்கு மிகவும் உணர்திறன் கொண்டது. மன அழுத்தம் செரிமான பிரச்சினைகளை எதிர்மறையாக பாதிக்கும். சில நேரங்களில் இது வலியை கூட  ஏற்படுத்துவதாகவும் கண்டறியப்பட்டுள்ளது. இதில் அறியப்பட்ட உடல் பிரச்சினைகள் எதுவும் இல்லை என்பது பொதுவாக பல நோயறிதல்களுக்குப் பிறகு உறுதிப்படுத்தப்படுகிறது.

செரிமான அமைப்பு கோளாறுகள்

வலி அடிக்கடி ஏற்பட்டாலோ அல்லது கடுமையாக இருந்தாலோ, அது அடிப்படை செரிமானக் கோளாறைக் குறிக்கலாம்.

• இரைப்பைஉணவுக்குழாய் ரிஃப்ளக்ஸ் நோய் (GERD) / எருக்களிப்பு: வயிற்று அமிலம் உணவுக்குழாயில் திரும்ப பாய்ந்து, மேல் வயிறு மற்றும் மார்பில் எரியும் வலியை (நெஞ்செரிச்சல்) ஏற்படுத்தும் போது இது நிகழ்கிறது.
• வயிற்றுப் புண்கள்: இவை வயிற்றுப் புறணி அல்லது சிறுகுடலின் மேல் பகுதியில் உருவாகும் திறந்த புண்கள் ஆகும். வயிற்றுப் புண்கள், பெப்டிக் புண்கள் என்றும் அழைக்கப்படுகின்றன. அவை எரியும் வயிற்று வலியை ஏற்படுத்துகின்றன. பெரும்பாலான சந்தர்ப்பங்களில் உங்கள் வயிறு காலியாக இருக்கும்போது இந்த வலி உணரப்படுகிறது. புண்களை ஏற்படுத்துவதற்கு பல காரணிகள் இருக்கின்றன. அவை எச். பைலோரி பாக்டீரியா தொற்று மற்றும் அழற்சி எதிர்ப்பு மருந்துகளின் நீண்டகால பயன்பாடுகள் போன்றவை ஆகும்.
• IBS: IBS என்பது பெருங்குடலைப் பாதிக்கும் ஒரு நாள்பட்ட நிலை ஆகும். இது தசைப்பிடிப்பு, வயிற்று வலி, வீக்கம், வாயு, வயிற்றுப்போக்கும், மலச்சிக்கலும் மாறி மாறி ஏற்பட வழிவகுக்கிறது.

எப்போது அதிக கவனம் செலுத்த வேண்டும்

வயிற்று வலிக்கான சில காரணங்களுக்கு உடனடி மருத்துவ மதிப்பீடு தேவைப்படுகிறது. அத்தகைய சில காரணங்கள் இங்கே:

• பித்தப்பைக் கற்கள்: பித்தப்பையில் கடினமான கல் போன்ற படிவுகள் மேல் வலது அடிவயிற்றில் கடுமையான, திடீர் வலியை ஏற்படுத்தும். சில நேரங்களில் இது மருத்துவ அவசரநிலையாக இருக்கலாம்
• குடல்வால் அழற்சி: குடல்வால் அழற்சியானது தொப்புளைச் சுற்றித் தொடங்கி கீழ் வலது அடிவயிற்றிற்கு நகரும் வலியை ஏற்படுத்தும். குடல்வால் அழற்சி பெரும்பாலான நேரங்களில் மருத்துவ அவசரநிலையாகக் கருதப்படுகிறது.
• தொற்றுகள்: பாக்டீரியா அல்லது வைரஸ் தொற்றுகள் (இரைப்பை குடல் அழற்சி) வயிறு மற்றும் குடலில் அழற்சியை ஏற்படுத்தும். இது தசைப்பிடிப்பு, வயிற்றுப்போக்கு மற்றும் வாந்தியை ஏற்படுத்தும்.

ஒரு மருத்துவரை எப்போது பார்க்க வேண்டும்

உங்கள் உடல் சொல்வதை கேட்பது முக்கியம் ஆகும். உங்கள் வயிற்று வலி கடுமையாக இருந்தாலோ, அது போகாமல் இருந்தாலோ, அல்லது பின்வரும் அறிகுறிகளுடன் இருந்தாலோ, உடனடியாக மருத்துவ உதவியை நாடுங்கள்:

• காரணமில்லாமால் ஏற்படும் உடல் எடை இழப்பு
• அதிக காய்ச்சல்
• தொடர்ச்சியான குமட்டல் அல்லது வாந்தி
• மலத்தில் இரத்தம் அல்லது வாந்தி
• தோல் மஞ்சள் நிறமாக மாறுதல் (மஞ்சள் காமாலை)
• இரவில் உங்களை எழுப்பும் வலி

நீங்காத வயிற்றுவலியும், அது எரியும் உணர்வுடன் இருப்பதும், பெரும்பாலான சமயங்களில் அது வயிற்றுப் புண்களுடன் தொடர்புடையதாக இருக்கிறது. இந்த வலியைப் புறக்கணிக்கக்கூடாது. நவீன மருத்துவத்தில், வயிற்று வலியின் மூல காரணத்தைக் கண்டறிய துல்லியமான நோயறிதல் முறைகள் இருக்கின்றன. இத்தகைய நோயறிதல் நுட்பங்கள் மூலம் துல்லியமான மருத்துவ உதவியைப் பெறுவதும் சிக்கல்களைத் தடுப்பதும் எளிது தான்.